Ailton til Schalke á næsta tímabili. (Staðfest)

Schalke tilkynnti í dag að Brasilíski sóknarmaðurinn Ailton mun leika með liðinu á næstu leiktíð í Bundesligunni. Ailton sem leikur með Werder Bremen hefur byrjað vel á þessari leiktíð og skorað 7 kvikindi í 8 leikjum. Þetta eru ekki góðar fréttir fyrir Bremen sem er í 2.sæti í Bundesligunni en nú gæti komið mikill óróleiki innan liðsins við þessi tíðindi. Ailton kemur frítt til Schalke þar sem að samningur hans rennur út í vor. Hann er þó ekki eini maðurinn sem fer frá Bremen til Schalke því að varnarmaðurinn Mladen Krstajic mun einnig fara sömu leið og Ailton.