Pierre Emerick Aubameyang skoraði sitt fyrsta mark í búningi Chelsea um síðustu helgi í sínum fyrsta deildarleik fyrir félagið. Hann skoraði aftur í vikunni í Meistaradeildinni í 3-0 sigri á AC Milan.
Þessi fyrrum leikmaður Arsenal gekk til liðs við Chelsea frá Barcelona í sumar en hann spilar í treyju númer níu hjá Lundúnarliðinu.
Það hefur skapast umræða um að það séu álög á treyju númer níu hjá félaginu en margir sem hafa klæðst þessari treyju hjá Chelsea hafa ekki staðið undir væntingum.
Aubameyang er ekkert að spá í því.
„Ég veit það ekki, ég hlusta ekki á svona. Ég elska níuna svo ég tók hana. Ég er ánægður með það og vonandi skora ég fleiri mörk," sagði Aubameyang.
Athugasemdir