lau 08. janúar 2022 09:00
Victor Pálsson
Wijnaldum vill snúa aftur til Englands
Mynd: EPA
Georginio Wijnaldum, leikmaður Paris Saint-Germain, vill snúa aftur í ensku úrvalsdeildina.

Sky Sports greinir frá þessum fregnum en Wijnaldum hefur leikið í Frakklandi í stuttan tíma eftir að hafa komið í sumar.

Wijnaldum er hollenskur landsliðsmaður en hann var áður hjá Liverpool og vann þar Meistaradeildina.

Tækifærin hafa verið af skornum skammti í Frakklandi og vill miðjumaðurinn því snúa aftur til Englands.

Fjölmörg lið myndu hafa áhuga á að næla í Wijnaldum sem vill halda sæti sínu í hollenska landsliðinu.
Athugasemdir
banner
banner