Fimmta umferðin í Allsvenskan deildinni í Svíþjóð hófst í dag og eru nokkrir Íslendingar í eldlínunni.
Jón Guðni Fjóluson var í byrjunarliði Hammarby sem tók á móti Sirius á heimavelli. Jón Guðni lék allan leikinn í hjarta varnarinnar en heimamenn í Hammarby unnu góðan 3-2 sigur.
Hammarby er í sjötta sæti deildarinnar á meðan Sirius situr í því fjórða.
Þá mættust Gautaborg og Hacken í hinum leiknum. Kolbeinn Sigþórsson var í byrjunarliði Gautaborgar og spilaði hann allan leikinn. Tobias Sana jafnaði metin fyrir Gautaborg úr vítaspyrnu á lokaandartökum leiksins.
Valgeir Lunddal Friðriksson og Óskar Sverrisson voru báðir ónotaðir varamenn hjá Hacken í dag. Hacken er í næst neðsta sæti deildarinnar á meðan Gautaborg er í því áttunda.
Athugasemdir