Lewis mun ekki snúa aftur til Newcastle

Félagaskiptin komu mörgum á óvart en ljóst er að Lewis á ekki afturkvæmt í hóp hjá Newcastle.

Lewis er 26 ára gamall og leikur fyrir Sao Paulo á lánssamningi sem gildir til 30. júní 2025, þegar samningurinn hans við Newcastle rennur út.

Lewis verður þá frjáls ferða sinna en hann er spenntur fyrir dvölinni í Brasilíu.

„Ég er búinn að ræða við stjórann (Eddie Howe). Ég er á síðasta samningsári og ég er að fara út á eins árs lánssamning. Það segir allt sem segja þarf. Það væri frábært að semja við Sao Paulo til lengri tíma," sagði Lewis um skiptin.

Lewis spilaði 36 leiki fyrir Newcastle og gaf eina stoðsendingu í þeim.