Enzo og umbinn biðja Chelsea afsökunar

Enzo Fernandez og Javier Pastore, umboðsmaður argentínska miðjumannsins, hafa beðið Chelsea afsökunar á ummælum sem látin voru falla á meðan Enzo var í landsliðsverkefni.

Chelsea setti Enzo í tveggja leikja agabann vegna ummælanna. „Það eru mikil vonbrigði að Enzo skuli tala með þessum hætti. Ég hef ekkert slæmt um hann að segja, en hann fór yfir strikið þegar það kemur að okkar menningu og hvað við viljum byggja," sagði Liam Rosenior, stjóri Chelsea, um ummælin en Enzo hafði daðrað við Real Madrid, sagðist opinn fyrir því að búa í Madríd og sagði að framtíð sín væri í óvissu.