„Þetta var fjörugur leikur,'' sagði Alfreð Elías Jóhannsson, þjálfari Grindavíkur, eftir 2-2 jafntefli gegn Fjölni á Grindavíkurvelli í kvöld.s
Lestu um leikinn: Grindavík 2 - 2 Fjölnir
„Bæði lið fengu mjög góð færi til að skora fleiri en tvö mörk. Ég held að niðurstaðan 2-2 sé ásættanleg fyrir bæði lið miðað við færafjöldan. Við vorum dálítið heppnir að jafna í restina,."
Alfreð var spurður út í hvort hann væri sáttur með að fá eitt stig úr þessum leik.
„Grindavíkurvöllur er okkar völlur og það á enginn að koma hingað og taka eitthvað frá okkur. Auðvitað er maður fúll að hafa fengið bara jafntefli, en ef maður er raunsær og lítur á leikinn þá getum við alveg verið þakklátir fyrir stigið."
Kristófer Páll Viðarsson er tekinn út af vegna meiðsla í öðrum leiknum í röð.
„Líðan hans er góð. Hann verður hress og kátur í næsta leik.''
„Við viljum alltaf vinna, sérstaklega í Grindavík. Við fengum ekki þrjú stig í dag, en við munum gera betur í næstu umferð."
Allt viðtalið má sjá hér að ofan.
Athugasemdir