Fernandes skoraði úr umdeildri vítaspyrnu í fyrri hálfleik og svo lagði hann upp mark fyrir Paul Pogba þegar hann tók hornspyrnu út fyrir teiginn þar sem Pogba stóð, tók við boltanum og lét vaða á markið.

Metið sem Bruno bætti er fjöldi marka sem leikmaður hefur komið að í sínum fyrstu tíu úrvalsdeildarleikjum. Hann hefur alls skorað eða lagt upp þrettán mörk í þessum fyrstu tíu leikjum sínum. Hann fór af velli á 71. mínútu fyrir Fred. Mörkin hjá Bruno eru sjö og stoðsendingarnar sex.