Barcelona og Real Madrid vilja Bernardo Silva - Gravenberch til Tyrklands? - Mikill áhugi á Nacho
   mán 09. ágúst 2021 21:10
Brynjar Ingi Erluson
Pepsi Max-deildin: Öflugur sigur Breiðabliks á Stjörnunni
Höskuldur Gunnlaugsson skoraði tvö fyrir Breiðablik og fagnar hér fyrra markinu.
Höskuldur Gunnlaugsson skoraði tvö fyrir Breiðablik og fagnar hér fyrra markinu.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Stjarnan 1 - 3 Breiðablik
0-1 Viktor Karl Einarsson ('24 )
0-2 Höskuldur Gunnlaugsson ('33 )
0-3 Höskuldur Gunnlaugsson ('54 )
1-3 Oliver Haurits ('72 )
Lestu um leikinn

Breiðablik vann annan leik sinn í röð í Pepsi Max-deild karla er liðið bar sigur úr býtum gegn nágrönnum þeirra í Stjörnunni, 3-1, á Samunsg-vellinum í kvöld. Blikar eru vel stemmdir fyrir síðari leikinn gegn Aberdeen í Sambandsdeildinni.

Blikar fengu stórhættulegt færi á 16. mínútu. Kristinn Steindórsson fékk boltann í teignum og var kominn einn gegn Arnari Darra Péturssyni en ákvað að leggja hann út á Árna Vilhjálmsson, sem rann og Daníel Laxdal náði að bjarga á línu.

Gestirnir bættu upp fyrir það átta mínútum síðar er Viktor Karl Einarsson skoraði eftir hreinsun frá Stjörnumönnum eftir horn. Hann fékk boltann í teignum, lagði boltann á hægri og þrumaði í fjærhornið.

Höskuldur Gunnlaugsson tvöfaldaði forystuna á 33. mínútu með fallegu aukaspyrnumarki. Annað aukaspyrnumark hans á tímabilinu.

Eyjólfur Héðinsson átti fínasta skot í upphafi síðari hálfleiks en boltinn fór rétt yfir markið. Fjórum mínútum síðar bætti Höskuldur við þriðja marki Blika.

Davíð Örn átti sendingu á Höskuld, sem keyrði upp allan völlinn, framhjá varnarmönnum Stjörnunnar og vippaði yfir Arnar Darra í markinu.

Eggert Aron Guðmundsson átti fast skot sem Damir Muminovic bjargaði á línu. Árni Vill komst þá í dauðafæri hinum megin á vellinum en Arnar Darri sá við honum.

Stjörnumenn minnkuðu muninn á 72. mínútu með marki frá Oliver Haurits. Heiðar Ægisson átt flotta fyrirgjöf, Haurits tók á móti honum og skaut í stöng og inn.

Þremur mínútum síðar voru Blikar hársbreidd frá því að bæta við fjórða markinu. Thomas Mikkelsen átti skot í stöng, boltinn barst til Jason Daða Svanþórssonar sem vippaði í slá. Algert dauðafæri.

Blikar fara með góðan 3-1 sigur af hólmi og eru nú í 3. sæti deildarinnar með 29 stig. Annar sigur þeirra í röð en Stjarnan er í 9. sæti með 16 stig.

Blikar mæta Aberdeen í seinni leik liðanna í forkeppni Sambandsdeildarinnar á fimmtudag. Blikar töpuðu fyrri leiknum á Laugardalsvelli, 3-2, en virðast vel stemmdir fyrir þann leik.
Athugasemdir
banner
banner