Það eru leikir á dagskrá í Þjóðadeildinni í kvöld þar sem íslenska karlalandsliðið á erfitt verkefni fyrir höndum í Tyrklandi.
Liðin mætast í annarri umferð í B-deildinni en Strákarnir okkar byrjuðu á sigri gegn Svartfjallalandi í fyrstu umferð.
Íslandi hefur gengið vel gegn Tyrklandi í sögunni en tyrkneska landsliðið er afar gæðamikið í ár, þar sem leikmenn á borð við Arda Güler, Kenan Yildiz, Hakan Calhanoglu og Zeki Celik, sem leika fyrir Real Madrid, Juventus, Inter og AS Roma, eru í hópnum fyrir leik kvöldsins.
Tyrkir mæta inn í heimaleikinn gegn Íslandi með eitt stig eftir að hafa verið heppnir að sleppa frá Wales með markalaust jafntefli í fyrstu umferð. Walesverjar spiluðu glimrandi skemmtilegan sóknarbolta í fyrsta leik Craig Bellamy við stjórnvölinn en tókst ekki að skora þrátt fyrir góð tækifæri.
Það er því ómissandi landsleikur á dagskrá í Tyrklandi í kvöld þar sem Ísland getur komið sér í góða stöðu á toppi riðilsins með sigri.
Svartfjallaland og Wales eigast við á sama tíma í Svartfjallalandi.
Landslið karla - Þjóðadeild
18:45 Tyrkland-Ísland (Gürsel Aksel Stadium)
18:45 Svartfjallaland-Wales (Gradski Stadion Podgorica)
Athugasemdir
