Spútniklið tímabilsins á Spáni, Girona, gerði dramatískt 2-2 jafntefli við Alaves í La Liga í kvöld.

Girona hefur spilaði glimrandi góðan fótbolta allt tímabilið. Margir voru efins þrátt fyrir stórkostlega byrjun liðsins, en það hefur náð að halda dampi alla leiktíðina og þegar búið að tryggja Meistaradeildarsæti fyrir næstu leiktíð.

Miðvörðurinn Eric Garcia kom Girona á bragðið á 4. mínútu eftir hornspyrnu en Alaves svaraði með marki Jon Guridi átta mínútum síðar.

Yangel Herrera gerði annað mark Girona undir lok hálfleiksins eftir gott samspil með Artem Dovbyk.

Girona var á góðri leið með að vinna fjórða leikinn í röð eða alveg fram að níundu mínútu í uppbótartíma er Guridi gerði jöfnunarmarkið með skalla.

Svekkjandi fyrir Girona sem er þó áfram í 2. sæti með 75 stig, aðeisn tveimur stigum á undan Barcelona.