Atli missir líklega af næstu leikjum

„Atli er frá og verður frá í einhvern tíma," segir Rúnar en telur að meiðslin muni halda honum frá í vikur frekar en mánuði. „Ég á eftir að hitta Atla sjálfur, veit ekki nákvæmlega hvað er að hrjá hann, en hann hefur glímt við sömu meiðsli áður."

Atli verður 24 ára í næsta mánuði, hann er stæðilegur framherji sem er á láni frá Víkingi. Hann hefur skorað sjö mörk og lagt upp eitt í níu byrjunarliðsleikjum á tímabilinu.

„Að öðru leyti er Kyle (McLagan) að reyna koma til baka, hann tók þátt í æfingum í vikunni, er að gera meira en áður og er að nálgast. Vonandi verða viðbrögð líkamans jákvæð við auknu álagi," segir Rúnar um bandaríska varnarmanninn sem hefur verið frá síðustu vikur.

Leikurinn á sunnudag hefst klukkan 18:00 og fer fram á Lambhagavellinum í Úlfarsárdal.