KR með fleiri snertingar í teig andstæðingsins en Valur og FH til samans

KR er það lið sem hefur tekið flestar snertingar inni í teig andstæðinganna í Bestu deildinni í sumar samkvæmt gagnagrunni Fotmob.

Yfirburðir KR í þeim tölfræðiþætti eru í raun afskaplega miklir. Vesturbæingar eru með 257 snertingum fleiri en Víkingur sem er í 2. sæti yfir snertingar í teig andstæðinga.

Ef snertingar Vals (497) og FH (434) í teig andstæðingsins væru teknar saman þá myndi það samt ekki ná upp í fjölda KR.

Yfirburðirnir endurspegla markafjölda vel en KR hefur skorað flest mörk í deildinni, 72 talsins.

Þór er liðið sem er með fæstu snertingar í teig andstæðingsins en það er sömuleiðis það lið sem hefur skorað fæst mörk í deildinni.