Ólafur Karl Finsen, framherji FH, var að vonum sáttur eftir 3-0 sigur gegn Stjörnunni í 8-liða úrslitum Mjólkurbikarsins. Óli Kalli skoraði annað mark FH rétt fyrir hálfleik gegn sínum gömlu félögum.
„ Ég er ánægður með að hafa unnið en er aðeins vonsvikinn með mína frammistöðu. Ég þarf að æfa mig aðeins betur." sagði Óli Kalli eftir leikinn.
„ Ég er ánægður með að hafa unnið en er aðeins vonsvikinn með mína frammistöðu. Ég þarf að æfa mig aðeins betur." sagði Óli Kalli eftir leikinn.
Lestu um leikinn: FH 3 - 0 Stjarnan
Eins og fyrr segir skoraði Óli Kalli annað mark FH en hann er einmit alinn upp hjá Stjörnunni.
„Það var gott að skora og komast áfram í bikarnum. En ég var í rauninni ekkert að pæla í því hvaða liði við værum að keppa á móti."
FH-ingar unnu leikinn sannfærandi 3-0 og ógnaði Stjarnan nokkuð lítið í leiknum. Liðin mættust í ágúst mánuði í deildinni þar sem að Stjarnan fór með 2-1 sigur.
„Mér fannst þetta smá öfugt við leikinn sem að við spiluðum við þá seinast þegar að við vorum betri en skoruðum ekki. Í dag vorum við verri en vorum að skora. En þetta var bara fínt."
Óli Kalli var spurður hvort að hann ætti einhvern óskamótherja í næstu umferð og við því svaraði hann:
„Ég veit ekki einu sinni hvaða lið eru í þessari keppni. Bara Selfoss"
Nánar er rætt við Óla Kalla í spilaranum að ofan.
Athugasemdir