Æfingaleikur: Rikki G skoraði tvö með Álafossi

Álafoss og KM, sem bæði leika í neðstu deild íslenska boltans, mættust í æfingaleik í dag sem lauk með stórsigri Mosfellinga.

Alexander Aron Davorsson, fyrrum leikmaður Aftureldingar og þjálfari kvennaliðsins, skoraði fyrsta mark leiksins og voru Daníel Ingi Jónsson og Kári Jökull Ingvarsson atkvæðamestir með þrennu hvor í 12-1 sigri.

Það sem vekur meiri athygli er að Ríkharð Óskar Guðnason, útvarps- og sjónvarpsmaður með meiru, var í liði Álafoss og skoraði tvennu í sigrinum.

Ríkharð, betur þekktur sem Rikki G, er þekktur flestum landsmönnum eftir langan feril í útvarpi og sjónvarpi og stýrir hlaðvarpsþættinum Þungavigtinni.