England í dag - Bara einn leikur en ekki tveir

Leikurinn sem verður spilaður er leikur Southampton og Brentford á St. Mary's vellinum í Southampton. Fyrir leikinn er Brentford í 12. sæti og Southampton í 14. sæti.

Leikur Everton og Leicester átti einnig að fara fram í dag en honum var frestað.

Leicester kallaði eftir því að fresta leiknum þar sem Brendan Rodgers nær ekki stilla upp nægilega frambærilegu liði. Nokkra leikmenn vantar vegna Covid-19 en í útskýringu Leicester kom einnig fram að nokkrir leikmenn væru frá vegna meiðsla eða í Afríkukeppninni. Enska úrvalsdeildin samþykkti að fresta leiknum. Það er því aðeins einn leikur á dagskrá í kvöld.

þriðjudagur 11. janúar
19:45 Southampton - Brentford