„Við vissum fyrir leikinn að þetta yrði þolinmæðisverk og vorum búin að undirbúa það og vorum ekki í neinu panikki og við vissum að þetta myndi detta fyrir okkur á endanum." Sagði Glódís Perla Viggósdóttir eftir sigurinn á Slóveníu í kvöld.
Lestu um leikinn: Ísland 2 - 0 Slóvenía
Með sigrinum í kvöld er Ísland í lykilstöðu að komast á HM í Frakklandi á næsta ári en þær eiga leik við Þýskaland þann 1. september en með sigri þar komast þær á HM.
„Það er algjör úrslitaleikur um að komast á HM og frábært fyrir okkur að vera komnar í þessa stöðu að vera efstar í riðlinum. Vonandi verður fótbolta partý hérna 1.september"
„Það var gaman hvað það komu margir og það er búin að vera mikil gleði með strákunum og gaman að hún flyst yfir á okkur. Við nýttum okkur það í dag sem auka kraft." Sagði Glódís Perla Viggósdóttir sátt og ánægð með stigin þrjú.
Viðtalið má sjá í heild sinni í spilaranum hér að ofan.
Athugasemdir