2. deild: Selfoss og Hvíti riddarinn skildu jöfn á Kótelettuleiknum

Selfoss fékk Hvíta riddarann í heimsókn í 2. deild í dag. Það er líf og fjör á Selfossi um helgina þar sem Kótelettan er í fullum gangi.

Gestirnir náðu forystunni þegar Aron Daði Ásbjörnsson vippaði yfir Benjamín Jónsson í marki Selfyssinga.

Aron Lucas Vokes jafnaði metin fyrir Selfyssinga snemma í seinni hálfleik. Þeir náðu forystunni strax í kjölfarið þegar Viðar Örn Kjartansson skoraði úr vítaspyrnu.

Aron var nálægt því að bæta þriðja markinu við en skaut rétt yfir markið úr góðu færi.

Aron Daði Ásbjörnsson jafnaði metin fyrir Hvíta riddarann eftir að Benjamín varði boltann fyrir fætur hans.

Jón Daði Böðvarsson var hársbreidd frá því að tryggja Selfyssingum sigurinn í blálokin en skotið fór rétt framhjá beint úr aukaspyrnu.

Selfoss er í 3. sæti með 20 stig en Hvíti riddarinn er í 9. sæti með 13 stig.