„Þetta var auðvitað algjört óviljaverk og ég sá hann bara ekki koma. Ég fékk þarna líklegast smá heilahristing," segir Jónatan við Fótbolta.net.

„Ég fór síðan upp á spítala í skoðun og kom vel út úr því. Ég hef það bara fínt í dag! En næstu dagar leiða meira í ljós hvernig ég hef það."

FH vann 3-0 sigur í gær og mun Hafnarfjarðarliðið leika gegn ÍBV í undanúrslitum.

Það er mikið leikjaálag framundan hjá FH og vonandi snýr Jónatan aftur út á völlinn sem fyrst.

Á sunnudag leikur liðið stórleik gegn Breiðabliki í Pepsi Max-deildinni.