Það er talað um að Chelsea gæti reynt að fá Christian Eriksen í sínar raðir frá Inter Milan næsta sumar.
Samkvæmt Calciomercato þá hefur Chelsea áhuga á Eriksen sem gerði garðinn frægan með Tottenham.
Eriksen samdi við Inter í janúar í fyrra en hann hefur lítið sýnt á Ítalíu og vill félagið losna við hann af launaskrá.
Chelsea ku vera að skoða það að senda Jorginho til Ítalíu á móti en hann er fyrrum leikmaður Napoli.
Félögin gætu því reynt að skipta á þessum leikmönnum næsta sumar en Jorginho er sagður opinn fyrir því að snúa aftur heim.
Athugasemdir