Eftir markalausan fyrri hálfleik komu heimamenn inn í þann seinni með látum og komust yfir á fyrstu mínútu hálfleiksins. Eftir vonda sendingu Fylkismanna fékk Kristinn Steindórsson boltann í fæturna, fann Árna Vilhjálmsson með góðri sendingu og hann kláraði af öryggi í fjærhornið.

Átta mínútum síðar bætti Viktor Karl Einarsson svo við marki fyrir Blika. Fylki gekk bara ekkert að losa boltann út úr teignum. Sá hafði skoppað um bæði hægra og vinstra megin í teignum þangað til Gísli fékk skotfæri utarlega vinstra megin. Skot hans fór í stöngina og datt beint þaðan í fætur Viktors sem klárar einfaldan eftirleik.

Blikar fara með sigrinum í fjórða sætið með 13 stig en Fylkir er í 8. sæti með 7 stig.

Smelltu hér til að fara í textalýsingun