Vedran hættir hjá Keflavík og fer erlendis (Staðfest)

Vedran Medenjak hefur látið af störfum sem þjálfari kvennaliðs Keflavíkur eftir að honum bauðst starf erlendis. Samkvæmt heimildum Fótbolta.net er hann á leið til Kanada og mun starfa í akademíu þar.

Vedran tók við Keflavíkurliðinu fyrir tímabilið en hann hafði áður starfað sem yngri flokka þjálfari hjá félaginu frá árinu 2023.

Hann er króatískur þjálfari með UEFA Pro gráðuna. Aðstoðarþjálfarinn Aron Elís Árnason tekur við liðinu og stýrir því út tímabilið.

Keflavík er í 7. sæti Lengjudeildarinnar þegar liðið á sex leiki eftir af tímabilinu. Liðið er fimm stigum frá fallsæti og sex stigum frá öðru sætinu. Næsti leikur liðsins er leikur gegn ÍA á útivelli á föstudag.