Sverrir Sverrisson í Breiðablik. (Staðfest)

Miðjumaðurinn Sverrir Sverrisson hefur gengið til liðs við Breiðablik og skrifað undir tveggja ára samning við liðið en þetta kemur fram á heimasíðu félagsins. Sverrir sem verður 34 ára á gamlársdag lýsti því reyndar yfir að hann væri hættur síðastliðið sumar en það er hægara sagt en gert að hætta í boltanum, spyrjið bara Guðna Bergs. Sverrir spilaði fjórtán leiki með Fylki í Landsbankadeildinni í sumar og skoraði tvö mörk. Hann hefur leikið með mörgum liðum og má þar nefna Malmö í Svíþjóð, Tindastóli, Leiftri, ÍBV og nú síðast Fylki.