Bjarni Guðjónsson.
Svona gæti KR svæðið litið út eftir að nýtt fjölnotaíþróttahús verður byggt á svæðinu.
Það hefur verið rætt um framkvæmdir á KR svæðinu í langan tíma en hingað til hefur lítið gerst, teikningar hafa verið birtar en lítið heyrst af dagsetningum eða skóflustungum.
Síðustu fregnir af framkvæmdum komu í apríl þegar Reykjavíkurborg sagði fjölnota íþróttahús KR í útboðsferli. Þá var sagt frá því að í fjárhagsáætlun borgarinnar sé gert ráð fyrir 2,5 milljörðum króna til verkefnisins á næstu fjórum árum, út 2027.
Fótbolti.net ræddi við fráfarandi framkvæmdastjóra KR í dag og var hann spurður út í framkvæmdaleysið á svæðinu.
Síðustu fregnir af framkvæmdum komu í apríl þegar Reykjavíkurborg sagði fjölnota íþróttahús KR í útboðsferli. Þá var sagt frá því að í fjárhagsáætlun borgarinnar sé gert ráð fyrir 2,5 milljörðum króna til verkefnisins á næstu fjórum árum, út 2027.
Fótbolti.net ræddi við fráfarandi framkvæmdastjóra KR í dag og var hann spurður út í framkvæmdaleysið á svæðinu.
„Það þarf eitthvað að fara gerast. Þetta er orðinn alltof löng saga og erfið, KR situr eftir. Ef borið er saman við hin Reykjavíkurliðin, þá er með ólíkindum að svona stórt félag eins og KR hafi setið eftir í jafnlangan tíma og raun ber vitni. Ég kom inn 2021 og þá átti að byrja byggja. Nú er komið '24 og það á að byrja byggja í haust. Maður er einhvern veginn hættur að trúa á þetta," sagði Bjarni Guðjónsson.
„Ég hreinlega skil ekki hvernig vinnubrögðin eru oft á tíðum. Ef það er ekki til peningur, þá er það bara staðan og það á að segja það. Það á ekki að vera draga félögin áfram. Það hefur verið talað um aðstöðu fyrir afreksíþróttir í KR, meistaraflokkana í körfubolta og fótbolta, en KR er miklu, miklu meira. Við erum með fjöldann af deildum og allt fullt af iðkendum sem eru hér og þar um bæinn að reyna sinna sínum íþróttum. Það vita allir hversu mikilvægt forvarnarstarfið hjá félögunum er. Ríki og sveitarfélög eru ofboðslega langt á eftir."
„Þetta er oft bara í orði en ofboðslega lítið á borði. Það eru fyrst og fremst ungir iðkendur í KR sem sitja eftir. Afrekshóparnir okkar hafa það alveg ágætt, þetta snýst ekkert um þá," sagði Bjarni.
Athugasemdir
