Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   þri 13. október 2020 16:22
Magnús Már Einarsson
„Mjög óhressir með hversu mikið á að halda þessu til streitu"
Úr leik ÍBV og FH.
Úr leik ÍBV og FH.
Mynd: Fótbolti.net - Hafliði Breiðfjörð
Félög í Pepsi Max-deild kvenna bíða mörg hver átekta eftir fréttum af því hvort að Íslandsmótið haldi áfram eða ekki upp á framtíð erlendra leikmanna að gera.

Samkvæmt þeim upplýsingum sem Fótbolti.net aflaði sér í dag eru nokkur félög farin að huga að því að senda leikmenn heim á næstu dögum ef að ekki koma svör um framhald Íslandsmótsins.

ÍBV er eitt þeirra félaga sem er ennþá að bíða eftir svörum með framhald mótsins áður en ákvörðun verður tekin.

„Við erum að reyna halda í þær en það er mjög erfitt því við eigum ekki fjármuni til þess. Við þurfum að greiða þeim laun sem í raun hefðu stöðvast í September ef allt væri eðlilegt síðan bætist húsaleigukostnaður ofan á þetta," sagði Jón Óli Daníelsson, framkvæmdastjóri kvennaliðs ÍBV.

„Nú er sá tími að koma að erfitt verður að halda keppnisvöllum keppnishæfum og veður ófyrirsjáanleg sem gæti valdið því að endalausar frestanir verða á leikjum sem gerir öllum erfiðara fyrir. Það er ekki hægt að leggja meira á námsfólk jafnt sem fjölskyldufólk að halda þessu til þrautar."

„Ferðalög milli landshluta fara verða erfið og geta lið lent í því að verða veðurteppt sem hefur að sjálfsögðu afleiðingar fyrir alla vegna náms og vinnu og fjölskylduaðstæðna. Ég hef heyrt í mönnum á landsbyggðinni og eru menn mjög óhressir með hversu mikið á að halda þessu til streitu."


Tvær umferðir eru eftir í Pepsi Max-deild kvenna en Valur og Breiðablik eru að berjast um Íslandsmeistaratitilinn auk þess sem mörg lið eru ennþá í fallbaráttu.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner