Það styttist í jólabrjálæðið í enska boltanum og fer sautjánda umferð deildartímabilsins fram um helgina. Í vikunni verður svo keppt í 8-liða úrslitum deildabikarsins og eftir það verður ekkert lát á úrvalsdeildarleikjum þar til í janúar.
Helgin hefst á Anfield þar sem topplið Liverpool tekur á móti botnliði Watford. Þetta verður fyrsti leikur Nigel Pearson við stjórnvölinn hjá Watford en Anfield er líklega ekki besti staðurinn til að byrja í nýju starfi sem knattspyrnustjóri á útivelli.
Liverpool er með átta stiga forystu á toppinum. Leicester er í öðru sæti og tekur á móti nýliðum Norwich á sama tíma og Chelsea fær Bournemouth í heimsókn. Viðureign Chelsea verður sýnd beint í Sjónvarpi Símans.
Jóhann Berg Guðmundsson er tæpur fyrir heimaleik Burnley gegn Newcastle sem fer fram á sama tíma og nýliðaslagur Sheffield United og Aston Villa. Southampton mætir svo West Ham í síðasta leik dagsins.
Á sunnudaginn á Manchester United heimaleik gegn Gylfa Þóri Sigurðssyni og félögum í Everton. Það verður áhugaverð viðureign þar sem Everton spilar sinn annan leik undir stjórn Duncan Ferguson, en fyrsta leiknum lauk með óvæntum en verðskulduðum 3-1 sigri gegn Chelsea.
Á sama tíma tekur Wolves á móti Tottenham í gríðarlega áhugaverðri viðureign, sem stenst þó ekki samanburð við lokaleik helgarinnar.
Arsenal tekur þar á móti Englandsmeisturum Manchester City sem mæta eflaust grimmir til leiks og hungraðir í sigur eftir tap á heimavelli gegn nágrönnum sínum í Man Utd um síðustu helgi.
Crystal Palace og Brighton eigast við í síðasta leik umferðarinnar sem fer fram á mánudagskvöldið.
Laugardagur:
12:30 Liverpool - Watford (Síminn Sport)
15:00 Chelsea - Bournemouth (Sjónvarp Símans)
15:00 Leicester - Norwich
15:00 Burnley - Newcastle
15:00 Sheffield Utd - Aston Villa
17:30 Southampton - West Ham (Síminn Sport)
Sunnudagur:
14:00 Man Utd - Everton (Síminn Sport)
14:00 Wolves - Tottenham
16:30 Arsenal - Man City (Síminn Sport)
Mánudagur:
19:45 Crystal Palace - Brighton (Síminn Sport)
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 17 | 12 | 3 | 2 | 31 | 10 | +21 | 39 |
| 2 | Man City | 17 | 12 | 1 | 4 | 41 | 16 | +25 | 37 |
| 3 | Aston Villa | 16 | 10 | 3 | 3 | 25 | 17 | +8 | 33 |
| 4 | Chelsea | 17 | 8 | 5 | 4 | 29 | 17 | +12 | 29 |
| 5 | Liverpool | 17 | 9 | 2 | 6 | 28 | 25 | +3 | 29 |
| 6 | Sunderland | 17 | 7 | 6 | 4 | 19 | 17 | +2 | 27 |
| 7 | Man Utd | 16 | 7 | 5 | 4 | 30 | 26 | +4 | 26 |
| 8 | Crystal Palace | 17 | 7 | 5 | 5 | 21 | 19 | +2 | 26 |
| 9 | Brighton | 17 | 6 | 6 | 5 | 25 | 23 | +2 | 24 |
| 10 | Everton | 17 | 7 | 3 | 7 | 18 | 20 | -2 | 24 |
| 11 | Newcastle | 17 | 6 | 5 | 6 | 23 | 22 | +1 | 23 |
| 12 | Brentford | 17 | 7 | 2 | 8 | 24 | 25 | -1 | 23 |
| 13 | Fulham | 17 | 7 | 2 | 8 | 24 | 26 | -2 | 23 |
| 14 | Tottenham | 17 | 6 | 4 | 7 | 26 | 23 | +3 | 22 |
| 15 | Bournemouth | 17 | 5 | 7 | 5 | 26 | 29 | -3 | 22 |
| 16 | Leeds | 17 | 5 | 4 | 8 | 24 | 31 | -7 | 19 |
| 17 | Nott. Forest | 17 | 5 | 3 | 9 | 17 | 26 | -9 | 18 |
| 18 | West Ham | 17 | 3 | 4 | 10 | 19 | 35 | -16 | 13 |
| 19 | Burnley | 17 | 3 | 2 | 12 | 19 | 34 | -15 | 11 |
| 20 | Wolves | 17 | 0 | 2 | 15 | 9 | 37 | -28 | 2 |
Athugasemdir
