„Við búum svo vel að að hafa Dóra að berjast við hann. Þetta er mikill missir. Við erum með ungan mann sem þriðja markmann þannig við þurfum aðeins að fara skoða í kringum okkur.“
Þetta sagði Óskar Hrafn Þorvaldsson í viðtali á sunnudag aðspurður um markvarðarstöðu KR eftir meiðsli Arnars Freys Ólafssonar.
Arnar Freyr er með slitna sin í hné og býst hann sjálfur við að vera frá í um sex mánuði. Fróðlegt verður að sjá hvernig KR-ingar ætla að fylla í skarð Arnars.
Við á Fótbolta.net settum saman lista yfir sex markverði sem KR-ingar geta horft til.
Þetta sagði Óskar Hrafn Þorvaldsson í viðtali á sunnudag aðspurður um markvarðarstöðu KR eftir meiðsli Arnars Freys Ólafssonar.
Arnar Freyr er með slitna sin í hné og býst hann sjálfur við að vera frá í um sex mánuði. Fróðlegt verður að sjá hvernig KR-ingar ætla að fylla í skarð Arnars.
Við á Fótbolta.net settum saman lista yfir sex markverði sem KR-ingar geta horft til.
Ólafur Örn Ásgeirsson (HK) - 23 ára með töluverða reynslu úr bæði 2. og 1. deild. Greip gæsina þegar Arnar Freyr Ólafsson meiddist á síðasta tímabili og festi sig í sessi sem aðalmarkvörður HK. Yrði ekki í fyrsta sinn sem hann yrði kallaður til vegna meiðsla Arnars.
Lúkas J. Blöndal Peterson (Hoffenheim) - Einn af okkar efnilegustu markvörðum. Víkingur reyndi við hann fyrr í vetur en Hoffenheim hafði lítinn áhuga á því á að láta hann fara, spurning hvort að svarið breytist þegar KR-ingar hringja. Er þó ekki þekktur fyrir að fara út úr teignum og væri áhugavert að sjá hann í nýrri rullu.
Sigurpáll Sören Ingólfsson (á láni hjá Ægi) - Ef Óskar treystir Halldóri Snæ fullkomlega er Sigurpáll mjög svo raunhæfur kostur. Er á láni hjá Ægi frá KR í Lengjudeildinni og gætu Vesturbæingar kallað hann til baka.
Mathias Rosenörn (án félags) - Hefur ekki fundið sér nýtt félag eftir að leiðir hans og FH skildu eftir síðasta tímabil. Hefur spilað á Íslandi í þrjú ár og þekkir deildina vel.
Ólafur Kristófer Helgason (Fylkir) - 23 ára og hefur staðið í marki Fylkis í tæp fimm ár, með reynslu úr efstu deild.
Stefán Þór Ágústsson (Valur) - Stefán er þriðji markvörður Vals en er einfaldlega of góður til þess að vera í því hlutverki. Spilaði tólf leiki með Val í Bestu deildinni á síðasta tímabili.
