Byrjunarlið Stjörnunnar og Vals: Aron Jó ekki með - Stór áfangi hjá markavélinni

Það eru þrjár breytingar á liði Stjörnunnar sem gerði jafntefli gegn KA á Akureyri í síðustu umferð. Guðmundur Kristjánsson, Örvar Eggertsson og Guðmundur Baldvin Nökkvason koma inn í liðið.

Þorri Mar Þórisson og Haukur Örn Brink setjast á bekkinn en Alex Þór Hauksson er í banni eftir að hafa verið rekinn af velli gegn KA.

Það er ein breyting á liði Vals eftir 2-1 sigur á Fram. Orri Hrafn Kjartansson kemur inn fyrir Aron Jóhannsson sem er ekki í hópnum. Tómas Bent Magnússon kemur inn á bekkinn eftir að hafa verið fjarverandi vegna meiðsla. Þesss má geta að markavélin Patrick Pedersen, næst markahæsti leikmaður í sögu efstu deildar, spilar 200. leik sinn í efstu deild í kvöld.