Þurfti að yfirgefa Liverpool til að komast í landsliðið

Hann var fljótur að stimpla sig í sessi sem mikilvægur hlekkur í varnarlínu Bayer Leverkusen og skoraði 5 mörk í 44 leikjum í öllum keppnum.

Quansah er 23 ára gamall og var valinn í landsliðshóp Englands sem tekur þátt á heimsmeistaramótinu. Hann var valinn framyfir varnarmenn á borð við Harry Maguire, Levi Colwill og Trent Alexander-Arnold og það hefur eflaust hjálpað til að Quansah getur spilað bæði sem miðvörður og hægri bakvörður.

Quansah var mikilvægur hlekkur upp unglingalandslið Englands en tók ekki sín fyrstu skref með A-landsliðinu fyrr en hann var kominn til Leverkusen. Hann fékk lítið af tækifærum hjá Liverpool og var þreyttur á að vera varaskeifa.

„Það var mjög erfið ákvörðun að fara frá Liverpool síðasta sumar. Liverpool er uppeldisfélagið mitt, ég hafði verið þar allt mitt líf. Þetta var erfið ákvörðun en ég vissi að þetta væri það besta sem ég gæti gert fyrir ferilinn minn. Ég þurfti að fá að spila byrjunarliðsfótbolta," segir Quansah.

„Allir sem þekkja mig vita að ég hef mikla trú á sjálfum mér og minni getu til að spila í hæsta gæðaflokki. Ég vildi sanna það á þessu tímabili og er mjög stoltur að fá launað með kalli í enska landsliðið. Mér líður eins og ég sé að verða betri með hverjum leik sem ég spila og ég er mjög metnaðarfullur í að reyna að halda sífellt áfram að bæta mig."

TENGT EFNI10.06.26 - 20:00

Síðasta æfingaleik Englendinga seinkað - Þrumur og eldingar í Orlando