Brynjar Þór Gestsson stýrði sínum mönnum í ÍR til sigurs á Grenivíkurvelli í dag, sigurmark ÍR skoraði Máni Austmann Hilmarsson út vítaspyrnu undir lok leiksins.
Lestu um leikinn: Magni 0 - 1 ÍR
Brynjar hrósaði Magnamönnum sem misstu mann af velli með rautt spjald í seinni hálfleik.
„Þeir voru gríðarlega sterkir og missa mann af velli með rautt og þá var eins og það væri bara slökkt á okkur, það leit ekki út fyrir að þeir væru manni færri."
„Það var smá titringur í lokin, menn hafa oft verið að fá á sig mörk seint í þessum leikjum og það var smá skjálfti en sem betur fer kláruðum við þetta," sagði Brynjar.
ÍR mætir næst Víkingi Ó. þann 22. júlí en þeir eru þrátt fyrir sigurinn í dag enn í fallsæti.
Viðtalið við Brynjar má sjá hér fyrir ofan.
Athugasemdir
