Franska félagið OGC Nice er búið að kaupa kantmanninn Calvin Stengs sem hefur verið mikilvægur hlekkur í liði AZ Alkmaar undanfarin ár.
Stengs er 22 ára gamall og er meðal annars í byrjunarliðsbaráttu við Albert Guðmundsson hjá AZ.
Nice borgar 15 milljónir evra fyrir Hollendinginn sem á sjö leiki að baki fyrir A-landsliðið en komst ekki í lokahópinn fyrir Evrópumótið.
Stengs hefur gert 24 mörk í 113 leikjum með AZ og reynir nú fyrir sér í franska boltanum. Albert gæti þá fengið meira pláss til að láta ljós sitt skína í hollensku toppbaráttunni.
🚨 L'OGC Nice est heureux d’annoncer l’arrivée de Calvin Stengs en provenance de l'@AZAlkmaar !
— OGC Nice (@ogcnice) July 14, 2021
➡️ https://t.co/G2i08IgoZE
🔴⚫️ pic.twitter.com/XpmeApEXEm
Athugasemdir