Enskir fjölmiðlar greina frá því að Chelsea og Callum Hudson-Odoi séu afar nálægt því að komast að samkomulagi um nýjan samning fyrir ungstirnið.
Hudson-Odoi vildi yfirgefa Chelsea í janúarglugganum þegar Bayern München bauð í hann. Chelsea harðneitaði að selja táninginn sem virðist orðinn ánægður með lífið hjá félaginu eftir að Frank Lampard tók við af Maurizio Sarri.
Telegraph greinir frá því að Hudson-Odoi sé að skrifa undir fimm ára samning og mun hann fá 100 þúsund pund í vikulaun.
Hann yrði þriðja ungstirni félagsins til að skrifa undir framlengingu eftir Mason Mount og Ruben Loftus-Cheek.
Hudson-Odoi er mögulegur arftaki Eden Hazard á vinstri kantinum hjá Chelsea og gæti myndað áhugavert þríeyki í sókninni ásamt Tammy Abraham og Christian Pulisic.
Athugasemdir