Jan Gregus gerði eina mark leiksins er Slóvakía lagði Skotland að velli í fyrsta leik dagsins í Þjóðadeildinni.

Leikurinn í Slóvakíu var nokkuð jafn þar sem gestirnir frá Bretlandi virkuðu hættulegri en komu knettinum ekki í netið.

Gregus skoraði með góðu skoti utan vítateigs og er Slóvakía með fjögur stig eftir sigurinn. Skotland vermir áfram toppsæti riðilsins með 10 stig eftir 5 umferðir. Liðin leika í B-deild.

Norður-Makedónía 2 - 1 Eistland
1-0 Ivan Trichkovski ('29)
1-1 Rauno Sappinen ('52)
2-1 Vlatko Stojanovski ('68)

Í C-deildinni átti Norður-Makedónía leik við Eistland og voru heimamenn í Makedóníu mun betri.

Ivan Trichkovski skoraði í fyrri hálfleik en Rauno Sappinen jafnaði fyrir Eista í upphafi síðari hálfleiks.

Vlatko Stojanovski gerði verðskuldað sigurmark á 68. mínútu og er Makedónía á toppi riðilsins með 9 stig eftir 5 umferðir. Eistland er aðeins með 2 stig.