Hafrún ofar á vellinum: Vopn sem Ísland getur notað áfram
Hafrún Rakel Halldórsdóttir lék framarlega úr bakvarðarstöðunni í fyrri leiknum gegn Króatíu.
Mynd: Jónína Guðbjörg Guðbjartsdóttir
Hafrún Rakel Halldórsdóttir lék framarlega úr bakvarðarstöðunni í fyrri leiknum gegn Króatíu.
Mynd: Jónína Guðbjörg Guðbjartsdóttir
Þorsteinn Halldórsson, landsliðsþjálfari Íslands, segir taktísku útfærsluna sem íslenska liðið beitti gegn Króatíu geta orðið að vopni fyrir liðið til framtíðar.
Nýtt vopn Íslands sem Guardiola kom í tísku
Athygli vakti hversu hátt Hafrún Rakel Halldórsdóttir fór upp völlinn úr bakvarðarstöðunni í 4-0 sigri Íslands í fyrri leiknum.
Þorsteinn sagði á blaðamannafundi í dag að útfærslan hefði bæði verið sniðin að leiknum gegn Króatíu og þeim leikmannahópi sem Ísland er með í verkefninu.
Á sama tíma var horft til þess að bæta nýjum möguleika við sóknarleik íslenska liðsins. Útfærslan gæti hjálpað liðinu að brjóta mótherja niður og nýst gegn ólíkum liðum í framtíðinni.
Þorsteinn lagði áherslu á að ekki hefði verið um tilraunastarfsemi að ræða. Þjálfarateymið hefði haft trú á að útfærslan hentaði vel gegn Króatíu og er útfærslan hugsuð sem gott vopn í vopnabúri liðsins til framtíðar.
