Gylfi fær frábæra dóma

Hann fær hæstu einkunn hjá staðarmiðlinum Liverpool Echo. Hann, James Rodriguez og Allan fá allir átta fyrir frammistöðu sína.

„Skoraði af öryggi af vítapunktinum eftir að hafa átt sendinguna í aðdraganda spyrnunnar. Hefði getað átt stoðsendingu nokkrum mínútum síðar eftir frábæra sendingu á Rodriguez. Kórónaði frammistöðu sína með frábæru öðru marki," segir í umsögn um Gylfa.

Hjá Sky Sports fær hann einnig átta en það er hæsta hjá leikmanni Everton. Gylfi var ekki maður leiksins að mati Sky Sports, það var Harry Kane sem skoraði einnig tvennu í leiknum.

Einkunnir Sky Sports

Everton: Pickford (6), Holgate (5), Keane (5), Godfrey (6), Digne (7), Davies (6), Allan (6), Sigurdsson (8), Iwobi (5), James (7), Richarlison (6).

Varamenn: Coleman (7), King (6).

Tottenham: Lloris (7), Aurier (6), Dier (5), Alderweireld (6), Rodon (5), Reguilon (6), Sissoko (5), Ndombele (5), Hojbjerg (6), Son (6), Kane (8).

Varamenn: Lamela (6), Moura (5), Alli (n/a).

Maður leiksins: Harry Kane.