Stubbur með geggjaða tölfræði í efstu deild

KA komst á topp Bestu deildarinnar í gær þegar liðið vann 3-0 útisigur gegn ÍA á Akranesi. Akureyrarliðið er með markatöluna 11-2 eftir sex umferðir.

Steinþór Már Auðunsson, þekktur sem Stubbur, hefur verið hreint magnaður í marki KA síðan hann varð óvænt aðalmarkvörður liðsins á síðasta tímabili.

Stubbur var þekktur í neðri deildunum en sá hefur fundið sig vel í efstu deild eins og tekið er saman hjá 'Áhugaverðum staðreyndum um íslenska knattspyrnu' á Twitter.

Þar kemur fram að hann hafi fengið á sig 22 mörk í 28 leikjum í efstu deild og tólf sinnum haldið hreinu.

Næsti deildarleikur KA er gegn Stjörnunni næsta laugardag.