Championship: Mark frá Jamie Vardy dugði ekki

39 ára gamall Jamie Vardy, sem fagnar fertugsafmæli í janúar, var í byrjunarliði Burnley og skoraði fyrsta mark leiksins á heimavelli gegn Wolves í kvöld.

Liðin mættust í fyrsta leik helgarinnar í Championship deildinni á Englandi og var mikil eftirvænting fyrir slaginn, enda hér á ferð tvö lið sem féllu úr úrvalsdeildinni á síðustu leiktíð.

Burnley var sterkara liðið í fyrri hálfleik en spænska U21 landsliðsmanninum Fer López tókst að jafna metin á 39. mínútu, svo staðan var 1-1 í leikhlé.

Úlfarnir náðu stjórn á leiknum í síðari hálfleik og skoraði Tawanda Chirewa sigurmarkið um leið og hann kom inn af bekknum. Lokatölur 1-2.

Úlfarnir eru í sjötta sæti með 17 stig eftir 10 umferðir, á meðan Burnley situr í fallbaráttu með 8 stig eftir hörmulega byrjun á nýju tímabili.