Einn leikur var á dagskrá í A-deild í Lengjubikar kvenna en þar mættust Keflavík og KR.

Leikurinn var í riðli númer eitt og óhætt er að segja að Keflavík lenti ekki í neinum vandræðum.

Marín Rún Guðmundsdóttir kom liðinu yfir eftir 28. mínútna leik og í kjölfarið skoraði Ísabel Jasmín Almarsdóttir á 31. mínútu. Amelía Rún Fjeldsted kom stöðunni svo í 3-0 rétt fyrir hálfleik.

Staðan 3-0 í hálfleik og í þeim síðari setti Keflavík einnig þrjú mörk. Þau komu öll frá Natasha Moraa Anasi en hún gerði þrennu á átta mínútna kafla.

Leiknum lauk 6-0 og er Keflavík með níu stig eftir fjóra leiki. KR er á botni riðilsins án stiga.