Ísak í leik í úrslitakeppni EM með U21 landsliðinu í mars. Gott ef hann fiskaði ekki vítaspyrnu á þessu augnabliki.
Ísak Óli Ólafsson er að ganga í raðir Esbjerg í Danmörku. Ísak hefur verið á mála hjá SönderjyskE í tvö ár en færir sig nú um set innan Danmörku.
Ísak er tvítugur miðvörður sem verður 21 árs þann 30. júní. Hann hefur leikið með Keflavík á láni í upphafi Íslandsmótsins.
Ísak er tvítugur miðvörður sem verður 21 árs þann 30. júní. Hann hefur leikið með Keflavík á láni í upphafi Íslandsmótsins.
Hann fékk ekki mikið af tækifærum með SönderjyskE en ætti að fá fleiri tækifæri í næstefstu deild hjá Esbjerg. Alls lék Ísak í sjö keppnisleikjum hjá SönderjyskE.
Hann var í maí valinn í íslenska A-landsliðið og þreytti frumraun sína í leik gegn Mexíkó í lok síðasta mánaðar.
Ísak er samningsbundinn SönderjyskE fram á sumarið 2023 og er Esbjerg því að kaupa miðvörðinn.
Það er Orri Rafn Sigurðarson, lýsandi á ViaPlay, sem greinir frá þessu á Twitter reikningi sínum í dag.
Orri kemur inn á það að Ísak sé á leið í læknisskoðun um helgina og verði því ekki með Keflavík gegn Leikni.
Sønderjyske eru að selja Ísak Óla Ólafsson til Esbjerg samkvæmt heimildum. Á að fara í læknisskoðun hjá liðinu um helgina og ætti allt að vera klappað og klárt eftir það. #fotboltinet
— Orri Rafn Sigurdarson (@OrriRafn) June 17, 2021
Athugasemdir