Fær leyfi til að skipta til Barcelona

Cancelo er að skipta yfir til Barcelona þar sem hann lék á láni á seinni hluta síðustu leiktíðar og stóð sig vel undir stjórn Hansi Flick.

Portúgalinn var afar ósáttur síðasta haust þegar Al-Hilal ákvað að afskrá hann úr leikmannahópinum í sádi-arabísku deildinni vegna takmarkana um fjölda erlendra leikmanna í hóp. Hann var lánaður til Barcelona í kjölfarið og hefur ekki áhuga á að spila annan leik fyrir Al-Hilal.

Fabrizio Romano greinir frá þessum fregnum og segir að Cancelo verði formlega kynntur til leiks sem leikmaður Barca á næstu dögum. Hann er búinn að setja „here we go!" stimpilinn fræga á félagaskiptin.