Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 17. nóvember 2019 18:00
Guðmundur Aðalsteinn Ásgeirsson
Admir Kubat vill spila áfram hér á landi
Admir Kubat.
Admir Kubat.
Mynd: Fótbolti.net - Benóný Þórhallsson
Varnarmaðurinn Admir Kubat hefur áhuga á því að leika áfram á Íslandi næsta sumar.

Hvort að hann verði áfram í Reyni Sandgerði eða ekki, það á eftir að koma í ljós.

Síðasta sumar lék hann með Reyni Sandgerði í 3. deildinni, en þar áður var hann á mála hjá Víkingi Ólafsvík, Þrótti Vogum og Þór Akureyri.

Admir hjálpaði Víkingi Ólafsvík að vinna Inkasso-deildina árið 2015 en hann var þá valinn besti leikmaður liðsins.

Admir, sem er þrítugur, varð fyrir því óláni að slíta krossband veturinn eftir og því fór hann ekki með Ólafsvíkingum í Pepsi-deildina. Hann sleit aftur krossband fyrir sumarið 2018, en spilaði 17 af 22 leikjum Reynis síðasta sumar.

„Ég sé framtíð mína og fjölskyldunnar á Íslandi. Ég elska að búa og spila fótbolta hérna," sagði Admir við Fótbolta.net.
Athugasemdir
banner
banner
banner