Gareth Southgate, þjálfari enska landsliðsins, ætlar að gefa nokkrum leikmönnum tækifæri gegn Kósóvó í undankeppni Evrópumótsins í kvöld.
England er nú þegar búið að tryggja sæti sitt á EM og þá er liðið öruggt með toppsætið en liðið er með þriggja stiga forskot á Tékkland.
Raheem Sterling mun byrja gegn Kósóvó en þá fá þeir Nick Pope, markvörður Burnley og Callum Hudson-Odoi, leikmaður Chelsea, tækifærið í byrjunarliðinu en Sky Sports greinir frá þessu.
Pope á aðeins einn leik að baki fyrir enska landsliðið en hann kom inná sem varamaður gegn Kosta Ríka á síðasta ári.
Hudson-Odoi á tvo leiki fyrir A-landsliðið.
Athugasemdir