Bróðir Arnórs Ingva lék sinn fyrsta leik

Viktor Árni Traustason lék sinn fyrsta leik í efstu deild er hann kom inn á fyrir Keflavík í 1-2 tapi gegn FH á sunnudaginn var.

Viktor, sem er 19 ára miðjumaður, kom inn á 82. mínútu fyrir Erni Bjarnason. Keflavík minnkaði muninn þegar Viktor var inn á og átti hann svokallaða hokkí stoðsendingu í marki liðsins.

Viktor er bróðir fyrrverandi landsliðsmannsins og núverandi leikmanns KR, Arnórs Ingva Traustasonar.

Á síðasta ári fór Viktor út til bróður síns í Norrköping og æfði bæði með aðalliðinu og U-19 liðinu.