HM: Luis Díaz frábær í sigri Kólumbíu

Luis Díaz var allt í öllu þegar Kólumbía vann nauman sigur á Úsbekistan á HM í nótt.

Kólumbía var með yfirhöndina í fyrri hálfleik og náði forystunni þegar bakvörðurinn Daniel Munoz komst inn á teiginn og skoraði laglegt mark eftir frábæran undirbúning Díaz.

Abbosbek Fayzullaev jafnaði metin fyrir Úsbekistan eftir klukkutíma leik eftir mistök kólumbíska markvarðarins.

Staðan var ekki lengi jöfn því Díaz skoraði fimm mínútum siðar. Hann átti skot sem markvörður Úsbekistan náði að koma hendinni í en boltinn fór í innanvert hliðarnetið.

Það var síðan Jaminton Campaz sem innsiglaði sigurinn í blálokin þegar hann skallaði boltann í netið eftir fyrirgjöf frá Cucho Hernandez. Kólumbía er á toppi K-riðils eftir jafntefli Portúgal og Kongó.