Ravel Morrison, fyrrum undrabarn Manchester United, er í viðræðum við tvö lið en hann er samningslaus þessa stundina.
Morrison var talinn gríðarlegt efni á sínum tíma en ferillinn hefur ekki staðist væntingar og var hann leystur undan samningi í Hollandi á síðasta ári.
Lið í næst efstu deild Englands hefur áhuga á Morrison sem og lið í efstu deild Spánar.
„Ég átti fund með liði í Championship-deildinni í morgun og ég held að það hafi gengið vel," sagði Morrison.
„Ég væri til í að halda mig hér vegna fjölskyldunnar. Ég á tvo litla bræður og móður mína. Ég hef ferðast allt mitt líf."
„Það er líka lið á Spáni í La Liga, það gæti gerst."
Athugasemdir