Tottenham er úr leik í Evrópudeildinni eftir leik við Dinamo Zagreb í kvöld en leikið var í Króatíu.

Tottenham vann fyrri leikinn 2-0 á sínum heimavelli og bjuggust flestir við að liðið myndi sigla áfram í 8-liða úrslitin.

Það var þó annað á boðstólnum í kvöld en Tottenham er úr leik eftir 3-0 tap gegn Zagreb í framlengdum leik.

Leikmaður að nafni Mislav Orsic reyndist munurinn á þessum liðum í kvöld en hann gerði þrennu fyrir Zagreb í sigrinum.

Orsic skoraði tvö lagleg mörk í venjulegum leiktíma og skoraði svo eina mark framlengingarinnar til að tryggja þeim króatísku áfram en liðið vinnur samanlagt, 3-2.