Það er ýmislegt áhugavert í slúðurpakka dagsins í dag sem er í boði Powerade. Fréttamenn BBC undirbjuggu pakkann fyrir föstudaginn langa.
Manchester United og Liverpool eru meðal áhugasamra félaga um Rayan Cherki, 21 árs sóknarleikmann Lyon. (Daily Mail)
Arsenal íhugar að leggja fram kauptilboð í Kingsley Coman, 28 ára kantmann FC Bayern og franska landsliðsins. (Star)
Everton mun berjast við Inter í kapphlaupinu um Albert Guðmundsson, 27 ára leikmann Fiorentina. (Teamtalk)
Nottingham Forest ætlar í samningsviðræður við Callum Hudson-Odoi, 24. (Football Insider)
Man Utd og Tottenham hafa bæði sett sig í samband við Eintracht Frankfurt til að ræða um kaup á Kaua Santos, 22 ára varamarkverði liðsins. Santos hefur staðið sig gríðarlega vel í fjarveru Kevin Trapp sem er meiddur. (Bild)
Chelsea reyndi að semja við Virgil van Dijk, 33, á dögunum en miðvörðurinn kaus að vera áfram hjá Liverpool. (Daily Mail)
Florentino Perez forseti Real Madrid vill kaupa Erling Haaland, 24, úr röðum Manchester City. (Fichajes)
Joao Felix, 25 ára sóknarleikmaður á láni hjá AC Milan frá Chelsea, vill skipta um félag í sumar. Hann er spenntur fyrir að snúa aftur til Benfica í Portúgal eða reyna fyrir sér í Sádi-Arabíu. (Sport)
Liverpool er að íhuga að gera tilboð í Hugo Ekitike, 22 ára framherja Eintracht Frankfurt, í sumar. Hann myndi veita Darwin Núnez og félögum meiri samkeppni. (Caught Offside)
Barcelona er ekki lengur með í kapphlaupinu um kantmanninn öfluga Nico Williams, sem er 22 ára og leikur fyrir Athletic Bilbao og spænska landsliðið. (Marca)
Búist er við að Carlo Ancelotti, 65, yfirgefi Real Madrid eftir úrslitaleik spænska Konungsbikarsins í lok mánaðar. Brasilíska landsliðið vonast til að ráða hann inn, þó að Ancelotti eigi enn rúmt ár eftir af samningi sínum við Real. (Sky Sports)
Arsenal, Liverpool og Chelsea eru í kapphlaupi um að kaupa Jesús Rodríguez, 19 ára kantmann Real Betis og U21 landsliðs Spánar. (Caught Offside)
Atlético Madrid og Bayer Leverkusen hafa bæði áhuga á Alejandro Garnacho, 20 ára kantmanni Man Utd. (Teamtalk)
Cesc Fabregas, fyrrum miðjumaður Arsenal og núverandi þjálfari Como, segir að hvorki Milan né Roma hafi haft samband við sig til að bjóða sér þjálfarastarf. Hann hefur verið að gera mjög flotta hluti í Como. (Football Italia)
Tottenham er eitt af mörgum félögum sem fylgjast náið með Gibril Sima, 17 ára framherja Dutch Lions í Bandaríkjunum. (Football Insider)
Athugasemdir
