Byrjunarlið Íslands - Ingibjörg, Guðný og Agla María inn

Þorsteinn Halldórsson landsliðsþjálfari sagði á fréttamannafundi í gær að byrjunarlið Íslands myndi koma mörgum á óvart. Hann stóð við þau orð.

Smelltu hér til að fara í beina textalýsingu frá leiknum sem hefst klukkan 19 að íslenskum tíma.

Hann gerir þrjár breytingar á byrjunarliði Íslands. Ingibjörg Sigurðardóttir, Guðný Árnadóttir og Agla María Albertsdóttir koma inn. Guðrún Arnardóttir, Elísa Viðarsdóttir og Gunnhildur Yrsa Jónsdóttir taka sér sæti á bekknum.

Guðný verður því þriðji byrjunarliðs hægri bakvörðurinn á mótinu, Ingibjörg í miðverðinum í stað Guðrúnar og Agla María kemur inn á kantinn svo Karólína Lea Vilhjálmsdóttir fer inn á miðsvæðið.