James Maddison átti fínan leik þegar Leicester gerði jafntefli gegn Chelsea í ensku úrvalsdeildinni í dag. Hann var maður leiksins að mati Sky Sports.
Maddison fékk mjög gott færi til að tryggja Leicester sigurinn í leiknum, en hann skaut langt yfir markið úr því færi.
Jeremy Clarkson, fyrrum þáttastjórnandi Top Gear-bílaþáttana vinsælu, lét Maddison heyra það á Twitter að því virðist vegna klúðursins. Clarkson er stuðningsmaður Chelsea.
„James Maddison. Eyðir of löngum tíma á hárgreiðslustofunni. Ekki nægum tíma í að æfa fótbolta," skrifaði Clarkson, en Maddison svaraði honum auðvitað.
„Einbeittu þér að bílum vinur. Get talið það á einni hendi hversu margar klippingar þú átt eftir," skrifaði Maddison.
Clarkson var rekinn úr Top Gear 2015 fyrir að ráðast á einn framleiðanda þáttanna.
Stick to cars mate. Can count on 1 hand how many trims you’ve got left #thin https://t.co/z1mDh177q8
— James Maddison (@Madders10) August 18, 2019
Athugasemdir