Dedic til Newcastle (Staðfest) - Endurnýjar kynni við Jaissle

Newcastle hefur fengið varnarmanninn Amar Dedic frá Benfica í Portúgal en leikmaðurinn hefur skrifað undir fimm ára samning. Kaupverðið er um 30 milljónir punda.

Dedic er hægri bakvörður og er kynntur á afmælisdaginn, hann er 24 ára í dag. Hann er fæddur og uppalinn í Austurríki en valdi að spila fyrir Bosníu vegna ættartengsla sinna. Dedic á 31 landsleik að baki og hefur skorað eitt mark, gegn Íslandi í undankeppni EM fyrir þremur árum.

Hann varð austurrískur meistari með Red Bull Salzburg 2023 undir stjórn Matthias Jaissle, núverandi stjóra Newcastle. Enska félagið hefur verið í leit að hægri bakverði síðan Kieran Trippier fór á frjálsri sölu til Wolves.

Möguleiki er að Dedic spili gegn Liverpool í fyrstu umferð ensku úrvalsdeildarinnar á sunnudag en Tino Livramento er enn að glíma við meiðslin sem hann hlaut með enska landsliðinu.